رەنگڤەدانا تەکنیکا پوختکرنێ درومانا(ئەڤین وئەنفال) یا حەسەن ئیبراهیم
پوختە: ئەڤ ڤەکولینە ل ژێرناڤ ونیشانێن(رەنگڤەدانا تەکنیکا پوختکرنێ د رومانا (ئەڤین وئەنفال) یاحەسەن ئیبراهیم ،کو تێدا کورتە خواندن ونڤیسینەکە ل سەر چەوانیا کورتکرن و پوختکرنا تێکستێ رومانێ بۆ بلەزکرنا ڤەگێرانا رویدانان. پوختکرن پروسێسەکا هزریە وشارەزاییەکا زمانی یا پایە بەرزە ودیمەنەکێ بجوکە ژ رەسەناتیا تێکستەکێ درێژ ،ئاماژە ونیشانێن ل سەر هزرێن سەرەکی وگرێدانا رستە ودەربرینان.دکریارا پوختکرنێ دا نڤێسەر رادبیت ب دارشتنا بابەتى ب شێوازەکێ هویر و کویر کو تێدا هزرا سەرەکى یا بابەتى د چەندین( رێزو دێرو پەیڤێن کێم دا) کورت دکەت ، دگەل پاراستنا هزرا سەرەکى . دناڤ ئەڤێ ڤەکولینێ دا بشێوەکێ بەرفرە سیما وتەکنیکێن کورتکرنێ هاتینە داراژتن .رومانڤیسی ، ڤەگێرانا رویدانێن رومانا ئەڤین وئەنفال برێکا پروسێسا پوختکرنا ئاشکرا و ژێبرنا ئاشکرا و نەئاشکرا و گڤاشتنێ ودیسان ئاماژە ب پەپڤ ودەربرینێن کورت و بێ درێژکرن ئەنجامدایە. ئەڤ ڤەکولینە ژ دوو پشکا پێک دهێت ، پشکا ئێکێ دەرازینکەک تیوری ل دور رەگەزێ پوختکرنێ ، پوختکرن وەکو زاراڤ، پێناسێن پوختکرنێ ،جهێ پوختکرنێ دناڤ رەگەزێن هونەریێن رومانێدا،گرنگیا تەکنیکا پوختکرنێ بۆ دەقی،جورێن تەکنیکا پوختکرنێ.پشکا دووی، پراکتیزەکرن ل سەر دەقێ رومانێ ب بەرجستەکرنا نموونا دناڤ رومانێ دا.
