ڕۆلێ كوردا د ئاڤاكرنا دام وده‌زگه‌هێت خێرخازى و زانستیدا ل وه‌لاتێ حیجازێ د چه‌رخێن (6-9مش/12-15ز)
د ڤێ ڤه‌كه‌لینێدا به‌حسێ ڕۆلێ كوردا د ئاڤاكرنا دام وده‌زگه‌هێت خێرخازى و زانستیدا ل وه‌لاتێ حیجازێ د چه‌رخێن(6-9مش/12-15ز) ڕۆلێ وان یى گرنگ د چالاكرنا بزاڤا ئاڤاكرنیدا بده‌ینه دیاركرن . ئه‌ف ڤه‌كولینه ژ دوو پشكا پێك دهێت ، پشكا ئیكێ گریداى ڕۆلێ ده‌ستهه‌لاتدارێت كورد ژ سولتان و میر و شاها د ئاڤاكرنا دام و ده‌زگه‌هێت خێرخازى و زانستیدا دڤى ماوه‌یدا هژمره‌كا هه‌را زورا ده‌ستهه‌لادارێت كورد ل جیهانا ئیسلامى ا زور كاریت ئاڤاكرنى ل حیجازێ كرین و ب تایبه‌ت ل حه‌ره‌مێن پیروز. پشكا دووێ، تایبه‌ته ب ڕۆلێ كه‌سانێت نورمال كورد وه‌كو خودان پوست و پله‌ێت بلند ژ مینا وه‌زیر و دادوه‌ر و بازرگان و ئاكنجیت كورد ل حیجازێ د ئاڤاكرنا دام و ده‌زگه‌هێت خیرخازى و زانستیدا . د ڤه‌كولیندا ئه‌م شیان بگه‌هین چه‌ندین ئه‌نجاما ژ گرنگترین وان: ده‌ستهه‌لاتدارێن ئه‌یوبی ژ سولتان و میرو شاها رۆله‌كى مه‌زن دبینن د ئاڤاكرن و نیژه‌نكرنا مزگه‌فت و قوتابخانا و ریباتا و كولان و پاقژ كرنا بیر و كانیت ئاڤێ و چێكرنا جهێن بهێن ڤه‌دانى وه‌كو خانا ل سه‌ر رێكێت حه‌جاجا زێده‌بارى چاككرنا رێكیت حه‌جاجا.
