بەلاڤبونا ناسناڤ وزاراڤێن کوردی ل وەلاتێن مسروشامێ دسەردەمێ ئەیوبی ومەمالیکێن دەریایی دا(570-784مش/1174-1382ز)
دڤێ ڤەکولینێ دا ئاماژە ب بەلاڤبوونا ناسناڤ وزاراڤ وئیدیەمێن کوردی ل وەلاتێن مسروشامێ دسەردەمێ ئەیوبی ومەمالیکێن دەریایی دا(570-784مش/1174-1382ز)هاتیە کرن . ئەڤ ڤەکولینە لسەر دوو پشکان هاتیە دابەشکرن،پشکا ئێکێ گرێدایە ب ناسناڤێن کوردان ئەوێن ل وەلاتێ مسروشامێ بەلاڤبووین، ئەڤجا هندەک ژوان ناسناڤا گرێداینە ب باژێرودەڤەرو هوزو بنەمالەێن کوردان ڤە.پشکا دووێ گرێدایە ب چەند زاراڤ وپەیڤ وئیدیەمێن کوردی کو ل وان وەلاتان بەلاڤ بووین و هاتینە بکارئینان. دڤێ ڤەکولینێ دا ئەم شیان بگەهینە چەند ئەنجامەکا کو بومە خویادبیت:پشتى کوردان وتایبەت بنەمالا کوردێن ئەیوبی دەستهەلات وەرگرتی هژمارەکا مەزن ژ کەسایەتێن کورد وکو ژ چەند هوزو بنەمالەیا پێک دهات مشتەختی وان وەلاتان بون ودگەل خوە چەندین زاراڤ وپەیڤ وئیدیەمێن کوردی برن کو بەرى دەمێ ڤەکولینێ ئەو زاراڤ وناسناڤ وئیدیەمە هەبونا وان یاکێم ودەگمەن بویە.