ENERJİ EFFEKTİVLİYİ HƏYATIMIZIN YENİ OBYEKTİV REALLIĞI KİMİ

Müasir zamanda enerji effektivliyi yeni obyektiv reallıq olaraq bəşəri həyatın bütün sferalarına nüfuz etmiş və dünyanın bir çox ölkələrinin siyasətində daha vacib prioritetə çevrilmişdir. Bu səbəbdən də həmin ölkələr milli enerji strategiyalarına yenidən baxır, onu qlobal çağırışlara uyğun korrektə edərək təkmilləşdirilir. Bu istiqamətdə regional sferada Avropa İttifaqı daha çox fərqlənir. Aparılan təhlillə müəyyən olunmuşdur ki, Avropa İttifaqında həyata keçirilən enerji effektivliyi strategiyasının müsbət tendensiyasından Azərbaycanda da faydalanmaq üçün mühüm əsaslar var. Bundan irəli gələrək, bu öncül təcrübənin Azərbaycanda enerji sferasında aparılan islahatlar sisteminə də daxil edilməsi vacib şərt olaraq irəli sürülür. Açar sözlər: enerji effektivliyi, Avropa İttifaqı, Azərbaycan Respublikası, milli neft strategiyası.