O artigo analiza o concepto de dependencia da traxectoria nas políticas e pretende examinar como xorden diferentes traxectorias na política e como estas cambian co tempo. Faino con referencia a un estudo de caso do desenvolvemento de políticas rexionais de innovación en Gales (Reino Unido), durante un período de máis de trinta anos. A partir dos desenvolvementos recentes nos estudos rexionais e da xeografía económica, o artigo apunta que a dependencia de traxectorias (path dependency) é unha característica inevitable do proceso de política a nivel rexional. A partir de análises documentais e entrevistas cos responsables políticos, descobre que as decisións políticas tomadas no inicio da fase de creación dunha traxectoria (para apoiar a innovación tecnolóxica) son determinantes, a pesar dos intentos de ampliar a senda cara a unha forma máis inclusiva de política de innovación en Gales. Aínda que a dependencia de traxectoria, máis evidente nos instrumentos básicos de política tecnolóxica e de I+D, non impediu a experimentación de novas vías, os resultados suxiren que a rixidez e a renovación coexisten nas políticas e no proceso de política para a innovación rexional ao longo do tempo. Os achados contribúen ao crecente interese na dinámica temporal do cambio de políticas a nivel rexional e na complexidade das políticas, particularmente nas rexións menos desenvolvidas.